L’eroport da Turitg ha puspè dapli passagiers cumpareglià cun las emnas avant. Ma l’eroport ha anc adina bundant 50% damain passagiers ch’avant la pandemia – malgrà l’entschatta da las vacanzas. Las emnas passadas ha l'eroport dentant gì bunamain 80% pli paucs passagiers.
Sco ina pledadra ha ditg sin dumonda da l’agentura da novitads Keystone / SDA, quinta l’eroport ussa per il temp da las vacanzas da stad cun 40’000 enfin 55’000 passagieras e passagiers mintga di. Avant corona eran quai enfin 110’000 passagiers mintga di.
Ord l'archiv
Plaun a plaun sa revegn la branscha da sgols puspè. Er la «flight attendant» da Samedan, Flavia Huder, era sa legrada da puspè accumpagnar ils sgols.