Svizra - Eroport a Genevra rinforza mesiras da segirezza
Per tema d’attatgas terroristicas ha la plazza aviatica da Genevra rinforzà sias mesiras da segirezza: ils radund 10’000 emploiads da l'eroport che han access a la zona da segirezza sajan danovamain vegnids controllads, sco ils responsabels han communitgà.
Tranter 30 e 50 persunas n'han para betg dumagnà quest test. Ad els èsi vegnì retratg l'access per questa zona. In'explicaziun per quest pass n'hai dentant betg dà. Tuttas persunas pertutgadas duain esser muslims.
L'agir da las autoritads na correspundia betg als princips da dretg public, ha crititgà l'advocat da 5 emploiads pertutgads. Els pretendian ussa in'explicaziun ed in'indemnisaziun.