Siglir tar il cuntegn
Inhalt

Svizra Eritrea dastga incassar taglia en Svizra

La Procura publica federal n'avra nagina procedura penala pervi dad incassament da taglias tras l'Eritrea en Svizra. Quai saja vegnì decidì gia l'entschatta da november, rapporta la «Neue Zürcher Zeitung».

bandiera da l'Eritrea vid in bajetg a Genevra
Legenda: La bandiera da l'Eritrea vid il bajetg da l'ambassada a Genevra. Keystone

Ina denunzia penala da la polizia criminala federala n'haja naginas consequenzas.

La polizia criminala aveva investigà pli lung temp ed er appelà a perditgas. La renfatscha: l'Eritrea incassescha illegalmain taglias sin las entradas tar persunas da l'Eritrea en Svizra. Tenor la Procura publica è questa taglia da 2% però legala cun quai ch'ella è vegnida decidida dal stadi da l'Eritrea e betg dal consulat general a Genevra.

RR novitads 08:00