Siglir tar il cuntegn

Header

Navigaziun

Purtret d'ina dunna vid in automat da banca.
Legenda: Il Cussegl naziunal e quel dals chantuns han decidì d'auzar la vegliadetgna da rentas per las dunnas sin 65 onns. Keystone
cuntegn

Svizra Era las dunnas duain lavurar fin ch'ellas han 65 onns

Il Cussegl naziunal ha prendì las emprimas decisiuns tar la refurma da l'AVS, l'assicuranza per vegls e survivents.

Cun la decisiun d'auzar la vegliadetgna da renta per las dunnas sin 65 onns è il cussegl naziunal suandà il cussegl dals chantuns. Ina pli auta vegliadetgna da rentas tar las dunnas purtass a l'AVS l'onn 2030 rodund 1,3 milliardas francs dapli.

Vegliadetgna da referenza

Il temp transitoric per auzar la vegliadetgna da renta da las dunnas duai cuzzar trais onns. Ils 65 onns na duain dentant betg valair tuttina sco la vegliadetgna da renta mabain duai esser la vegliadetgna da referenza. Per regla po la renta vegnir retratga davent da 62 onns, il pli tard cun 70 onns duain tut ils lavurants ir en pensiun.

RR novitads 10:00