L’anteriur cusseglier naziunal Yannick Buttet na candidescha betg pli sco president communal da Collombey-Muraz. Quai ha communitgà la Partida cristiandemocratica. Questa decisiun vegn suenter che medias avevan rapportà, ch’il Vallesan haja mulestà da curt ina politicra da la PLD.
Gia il 2018 era l'anteriur cusseglier naziunal vegnì sentenzià pervi da acts sexuals sfurzads e «stalking» envers sia anteriura marusa. Cura che quai era vegnì a la glisch, era Buttet sa retratg sco cusseglier naziunal ed era sco vicepresident da la PCD Svizra.