Il schef ad interim da La Posta Svizra, Ulrich Hurni, è sut squitsch en connex cun il scandal enturn la AutoDaPosta SA. Tenor il rapport extern haja er el savì da las cugliunarias cun subvenziuns.
Quatter variantas eran vegnidas discutadas per zuppentar gudogns avant l'Uffizi federal da traffic. Quai resulta d'ina notizia d'acta dals 17 d'avrigl 2013 che l'entira direcziun dal concern aveva retschavì – uschia er Ulrich Hurni ch'era quella giada substitut dal schef da concern e manader da Post Mail.
Il schef da la Posta n’ha betg prendì posiziun en chaussa. La Posta renviescha a la conferenza da medias da l’emna passada.
RR novitads 09:00
