Quai saja radund trais giadas uschè bler sco durant in enviern miaivel, ha ditg l'inspectur da chatscha dal Vallais, Peter Scheibler, al schurnal regiunal da SRF Berna Friburg Vallais. Quai saja però be ina registraziun da la situaziun mumentana. La statistica vegnia fatga pir la fin da l'onn. Quest onn vegnia uschia dà liber damain chamutschs per la chatscha, per che l'effectiv possia sa revegnir.
I duria fin 15 onns enfin ch'ina colonia saja sa revegnida d'in tal enviern, uschia Scheibler. Gia durant l'enviern ha la surveglianza da chatscha fatg pavladas d'urgenza, en spezial en il Lötschental.
Tenor Scheibler è il pli dir enviern fin uss stà il 2009. Lura èn anc dapli selvaschinas crappadas.
RR novitads 16:00