Svizra - Entradas illegalas: Franà tants migrants sco anc mai
En il Tessin ha la guardia da cunfin franà l'emna passada bunamain 1'800 migrants ch'èn vegnids illegalmain en la Svizra. Tenor il corps da guardias da cunfin è quai stà tants sco anc mai durant in'emna.
Dus terzs da las persunas retegnidas, sajan vegnidas refusadas ed hajan stuì returnar en l'Italia. La guardia da cunfin po refusar migrants che na dumondan betg en Svizra per protecziun u asil. Il corps ha refusà renfatschas da gidanters da fugitivs che la guardia da cunfin haja refusà persunas che vulevan dumandar asil en Svizra.
