Tgi che ha engulà las var 70'000 datas d'access n'è betg enconuschent. Sco il post Melani communitgescha, mettia el a disposiziun in instrument per controllar sche l'atgna adressa da mail è pertutgada da l'enguladitsch.
La pagina da test da Melani
Il post d'annunzia ed analisa per la segirezza d'infurmaziun cusseglia a persunas ed interpresas da far quest test. Plinavant avertescha Melani da betg duvrar il medem pled clav per divers portals d'internet. Er duaian persunas pertutgadas controllar las proximas emnas extracts da conto e quints da cartas da credit.
Gia l'avust era vegnì enconuschent in enguladitsch da 21'000 datas d'access. Là sco er questa giada è Melani vegnì infurmà d'ina funtauna confidenziala.
RR novitads 14:00