Engulà bischutaria per passa 1 milliun francs

La polizia tschertga trais persunas suspectusas ch'èn sin la fugia. L'assagl è succedì vers mezdi en la Rämistrasse a Turitg.

In auto da polizia stat davant ina bischutaria a Turitg nua ch'i ha dà in assagl.

Legenda da maletgs: Nunenconuschents han assaglì oz ina bischutaria a Turitg. Keystone

Ils delinquents sajan mitschads cun bischutaria en la valita da passa 1 milliun francs. Quai ha in pledader da la polizia confermà. Ils nunenconuschents sajan stads armads ed hajan smanatschà al persunal da l'affar. Els sajan mitschads a pe. Dus dals laders èn vegnids fotografads da cameras da surveglianza.

Pervi da l'assagl ha i dà impediments dal traffic en il center da Turitg. La polizia ha dentant mobilisà numerus collavuraturs per l'investigaziun.

RR novitads 18:00