Siglir tar il cuntegn
Inhalt

Svizra Engaschi per bilateralas e per midadas sin sectur d’energia

La PBD Svizra vul sa metter en fermamain per las cunvegnas bilateralas. La malsegirezza che donnegeschia l'economia stoppia avair ina fin, ha ditg il president da partida Martin Landolt a chaschun da la radunanza da delegads.

Martin landolt
Legenda: Il president da la PBD Martin Landolt vul s'engaschar cun sia partida per las cunvegnas bilateralas. Keystone

Plinavant veglia la PBD sa stentar per ina midada sin il sectur da l'energia, per raschuns da responsabladad ed or da ponderaziuns economicas. «La midada sin il sectur d’energia po stgaffir ils ultims 20 onns 85’000 novas plazzas da lavur», ha ditg Landolt.

Envers ils delegads ha Landolt dentant era concedì che las perditas da la PBD en las davosas elecziuns chantunalas fetschian mal. Els sajan dentant «vegnids per restar», ha el ditg envers ils delegads.

Nagina schanza per iniziativa da stipendis

A Gossau han ils delegads da la PBD era discutà las parolas per las votaziuns naziunalas dal zercladur. Il gea per la diagnostica da preimplantaziun han var 3 quartas dals delegads burgais-democratics sustegnì e per la nova lescha da radio e televisiun hai dà 98 geas cunter 15 nas.

Nagina schanza tar ils delegads da la PBD n’ha gì l'iniziativa da stipendis ed il na a l'iniziativa per ina taglia d'ierta avevi gia dà l'october passà.

RR novitads 14:00