Martin Candinas communitgescha, ch'el haja il mardi infurmà Konrad Graber (LU), il president da la cumissiun per chattar in candidat, davart sia decisiun da desister d'ina candidatura per il presidi da la Partida cristiandemocratica.
Candinas argumentescha sia decisiun cun il basegn da temp per sia famiglia; el è bab da trais uffants. Plinavant s'engaschia el per diversas uniuns e cumissiuns, cunzunt en la Surselva.
Il cusseglier naziunal è dapi quatter onns commember dal presidi da la PCD. Sco el scriva, vegnia el a candidar per in'ulteriura perioda en quest gremi.
RR novitads 14:00