Siglir tar il cuntegn

Header

cuntegn

Energia en Svizra Sommaruga davart strategia per evitar in blackout

Sche la Svizra na chatta nagina schliaziun cun l'Uniun europeica, lura datti in privel da mancanza d'electricitad, ha in studi sin incumbensa da la Confederaziun mussà. Tge strategia che la Svizra ha per dar dumogn a quella crisa, declera Simonetta Sommaruga en l'emissiun da SRF Eco Talk.

Durant 47 uras pudess la Svizra betg avair energia, uschia il facit dal studi che quinta cun il mender scenari pussibel: Las ovras atomaras Beznau 1 e 2 sco er in terz da las ovras en Frantscha na funcziunan betg pli e la UE reducescha la furniziun d'energia en Svizra.

Uss èsi impurtant da betg far panica. La Svizra è posiziunada bain, però nus stuain prender serius la situaziun ed amplifitgar energia indigena en Svizra e quai considerablamain.
Autur: Simonetta Sommaruga Ministra d'energia
audio
Quant segira è la Svizra puncto provediment electric?
ord Actualitad dals 23.11.2021.
laschar ir. Durada: 3 minutas 38 Secundas.

Sa focussar sin la Svizra

Per evitar quest scenari duain per l'ina energias regenerablas, sco sulegl e vent, vegnir promovidas pli fitg en Svizra. Per l'autra duain ils lais da fermada avair ina reserva d'aua obligatorica. Cun quell'aua pudessan ins lura producir energia gist en muments ch'i vegn propi stretg. Il zercladur 2021 ha il Cusssegl federal surdà al parlament il messadi davart quella lescha federala.

Moderatur Reto Lipp e cussegliera federala Simonetta Sommaruga.
Legenda: En l'emissiun da SRF «Eco Talk» ha la ministra d'energia Simonetta Sommaruga stuì respunder las dumondas che Reto Lipp ha tschentà davart la largia d'energia che smanatscha en Svizra. SRF

Novas ovras atomaras n'èn nagin'opziun

Da la dretga hai num ch'i dovria l'energia d'ovras atomaras per cuvrir en futur il provediment d'energia en Svizra. Tenor la ministra d'ambient n'èsi nagin'opziun da bajegiar novs implants.

La branscha di quai cler. I na renda insumma betg, igl è bler memia char. Oz dettia bler pli favuraivlas pussaivladads cun energias regenerablas. Las ovras pitschnas, da quellas ch'i vegn discurrì, existan mo sin il palpiri.
Autur: Simonetta Sommaruga Ministra d'energia

RTR actualitad 07:00

Artitgels legids il pli savens