Siglir tar il cuntegn

Header

Navigaziun

En l'intern d'ina ovra atomara.
Legenda: Tar in gea a l’iniziativa per l'abandun da l'energia nucleara mancassan a la Svizra 40% da la producziun d’energia. Keystone
cuntegn

Svizra Energia atomara: Chantuns alpins na vulan betg sortir a la bahuta

Ils chantuns alpins s’expriman cunter ina sortida memia sperta da l'energia nucleara. I saja d'impurtanza fundamentala d'avair in provediment segir cun electricitad en Svizra, scriva la Conferenza da las regenzas dals chantuns alpins.

Perquai na dastgian ins betg metter en privel quella senza bunas raschuns. Plinavant na saja la rait svizra per distribuir la forza electrica betg pronta per sortir da l'energia nucleara. Tar in gea a l’iniziativa mancassan a la Svizra 40% da la producziun d’energia. Cumpensar quai cun energias regenerablas indigenas na saja per il mument betg realistic.

Ultra da quai na schlia la sortida da l’energia nucleara betg ils problems da la forza idraulica, uschia ils chantuns alpins.

RR novitads 17:00