Svizra - En tact da mes'ura da Turitg en il Tessin
Da viagiar cun tren da Turitg en il Tessin dovra bainbaud damain temp. La Confederaziun ha lubì la cumplettaziun da l'infrastructura da tren al Lai da Zug. En il traffic internaziunal munta quai in gudogn da temp da 40 minutas.
L'Uffizi federal da traffic construescha in segund binari da bunamain 2 km lunghezza tranter Walchwil e Zug. Suenter l'avertura dals tunnels da basa dal Gottard e dal Ceneri lubescha quest project da 90 milliuns francs lura d'introducir il tact da mes'ura tranter Turitg ed il Tessin.
