Svizra - En Svizra vegn consumà onn per onn 2,5 tonnas heroin
En il chantun Vad vegnì consumà mintg'onn fin 223 kilos heroin per tranter 8 fin 11 milliuns francs. Quai resulta d'in nov studi da l'universitad da Losanna. Calculà sur l'entira Svizra munta il consum da heroin uschia a radund 2,5 tonnas mintg'onn.
Il studi sa basa sin analisas da l'aua persa, enquistas tar la polizia, lavurers socials e consuments da drogas.
Il dumber da las persunas che consumeschan regularmain heroin en Svizra vegn stimà sin tranter 12’000 e 18’000. Tenor ils auturs dal studi è il dumber cunquai marcantamain pli bass ch'anc avant 25 onns.
