Siglir tar il cuntegn

Svizra En Svizra èn 20% da la populaziun senza confessiun

Bun 38% èn catolics, 25% èn refurmads e 7% s'identifitgeschan cun autras communitads cristianas, quai communitgescha l'Uffizi federal da statistica sa referind sin las cifras dal 2016.

catedrala a Cuira, d'enviern
Legenda: Anc bun 38% da la populaziun svizra è catolica. RTR, Hugo Schär

Tranter l'onn 2000 e 2016 è la cumpart da las baselgias roman-catolicas ed evangelic-refurmadas sa reducidas levet (per 6% respectiv 9%). Cuntrari a quest svilup è s'augmentada la cumpart da las cuminanzas da cardientscha muslimas ed islamas (per 1,6%). La cumpart dals Gidieus è restada tuttina entant che la cumpart da las persunas senza confessiun è s'augmentada per 13,5 puncts da pertschient.

La gronda part da las persunas (71%) visitan maximalmain tschintg giadas l'onn in'instituziun ecclesiastica per assister ad in servetsch divin. Il pli savens visitan las persunas catolicas in servetsch divin. In quart dad ellas ha inditgà da far quai tranter sis giadas fin almain ina giada al mais in servetsch divin.

RR novitads 14:00