Siglir tar il cuntegn
cuntegn

Svizra En mintga cas - Svizra salva Convenziun europeica da dretgs umans

La Svizra na desdi betg la Convenziun europeica dals dretgs umans - era betg, sch'il suveran accepta la fin favrer l'iniziativa per il repatriament effectiv da la PPS.

Iniziativa per il repatriament effectiv.
Legenda: Co vesa quai or ils 28 da favrer? Actualmain è il trend dal suveran levamain en favur da l'iniziativa per il repatriament effectiv. Keystone

En quest punct saja il Cussegl federal fitg segir, di la cussegliera federala Simonetta Sommaruga en in'intervista cun la gasetta «Le Temps».

La finamira dals iniziants saja da manar la Svizra en in conflict tranter la voluntad dal pievel e las obligaziuns internaziunalas, uschia Sommaruga vinavant. Vegnissan las determinaziuns da l'iniziativa propi applitgadas, lura stuess la Svizra il pli probabel extrar da la Convenziun europeica dals dretgs umans.

Trend actual stgars per l'iniziativa

Fin uss ha quai be dà ina desditga da la Convenziun europeica dals dretgs umans, numnadamain durant il temp da dictatura militara en la Grezia. La convenziun exista dapi il 1950. La Svizra ha suttascrit la convenziun il 1974.

Tenor ina retschertga da la SRG SSR dals 22 da schaner avessan votantas e votants lura vuschà cun 51% per l’iniziativa per il repatriament effectiv, 42% cunter quella.

RR novitads 09:00