Siglir tar il cuntegn

Header

cuntegn

Svizra En media 80 dumondas d’asil al di

Quai è la bilantscha da la statistica d’asil svizra per il fanadur 2016. En cifras: Il fanadur ha la Svizra dumbrà 2’477 dumondas d'asil, quai èn passa 6,4 pertschient dapli ch'il zercladur 2016, ma 36,4% damain ch’en il fanadur 2015.

Cunzunt damain dumondas d'asil han fatg persunas da l'Eritrea communitgescha il Secretariat da stadi da migraziun.

Damain persunas da l'Eritrea

Quest svilup haja pliras raschuns scriva il secretariat. D'ina vart sajan arrivadas quest onn bler pli paucas persunas da l'Eritrea sur la Mar mediterrana en l'Italia dal sid. Da l’autra vart haja var in terz gia dumandà asil en l'Italia.

406 persunas han survegnì asil en fanadur

Medemamain en fanadur ha la Svizra elavurà 2’378 dumondas dad asil en emprima instanza. Tenor la communicaziun dal secretariat hajan 406 persunas survegnì asil e 456 han survegnì sut tetg a temp limità.

Tar 632 dumondas n’è la Confederaziun sin basa da la cunvegna da Dublin betg entrada en la dumonda dad asil.

RR novitads 15:00

Artitgels legids il pli savens