Siglir tar il cuntegn
cuntegn

Svizra En il Vallais viva forsa in segund triep da lufs

I sa tracta da dus creschids e dus lufs giuvens. Ina analisa da DNA marscha anc.

Purtret da dus lufs, in creschì ed in giuven.
Legenda: Anc n'è betg cler sch'i dat in segund triep en il Vallais (maletg da simbol). Keystone

Ils dus animals creschids ed ils dus giuvens èn vegnids fotografads en la Val D’Anniviers. Sco l’uffizi da chatscha ha communitgà, vegnia ussa analisada la DNA. Il mument vegnia scleri sch’i sa tractia propri d’ina segunda rotscha u sch’ils animals fetschian part da la rotscha ch’era vegnida confermada l’onn passà en la regiun dad Augstbord, ch’è era en il Valais.

Ils lufs èn vegnids fotografads singuls e betg ensemen en ina gruppa. Geneticamain han ins enfin ussa sulet pudì confermal ch'il luf M73 saja stà denturn. Tar ils lufs dad Augstbord n'han ins anc vis nagins lufs giuvens.

RR novitads 18:00