Siglir tar il cuntegn
cuntegn

Svizra En il Grischun èsi da pajar l’auter onn 3% dapli premias

Las premias da las cassas da malsauns s’augmentan l’auter onn en il Grischun per persunas creschidas per 3%. Uschia ha ina persuna creschida da pajar en media 392 francs il mais, scriva l’Uffizi federal da sanadad.

Purtret d'ina grafica che mussa quant che mintga chantun ha ch'augmenta las premias.
Legenda: Uschia guarda la situaziun ora quest onn en ils chantuns svizzers. MAD, Confederaziun svizra

En il Grischun s'augmenta la premia media da las cassas da malsauns per in creschì per 3%, pia sin 392 francs il mais, tar in giuven creschì sin 363 francs e per in uffant sin 93 francs il mais. Cun quai giascha il Grischun in zic sut la media svizra ch'è tar 4%.

En Svizra s’augmentan ellas en media per 4%

Las premias da las cassas da malsauns en general en Svizra s'augmentan l'onn proxim en media per 4%. Anc pli fitg creschan las premias per uffants e giuvens creschids, scriva l'Uffizi federal da sanadad. En 8 chantuns è l'augment sut 3%, en ils chantuns Genevra, Neuchâtel, Vad e Vallais sur 5% ed tar ils chantuns restants è l'augment tranter 3 e 5%.

Legenda:
Il svilup da las premias da la cassa da malsauns en media per la Svizra dapi il 1996, cura che la lescha dvart l'assicuranza da malsauns (KVG) è entrada en vigur. SDA

RR novitads 14:00