Siglir tar il cuntegn
cuntegn

Svizra Èn gieus olimpics 2026 en Svizra realisabels?

Ils gieus olimpics d’enviern 2026 en Svizra pudessan tenor il Cussegl federal esser ina gronda schanza per sport, economia e societad. I n`è però betg pussibel da realisar in tal eveniment senza sustegn finanzial dal maun public. Ina gruppa da lavur interdeparlamentara duai sclerir la realisabladad.

Ils gieus olimpics d'enviern 2026 (maletg simbolic).
Legenda: Dovran sustegn, cunzunt finanzial Ils gieus olimpics d'enviern 2026 (maletg simbolic). Keystone

Il parlament da sport da Swiss Olimpic ha ils 11 da mars 2016 cumenzà cun il process da candidatura per ils gieus olimpics e paralimpics d’enviern 2026 en Svizra. Acualmain elavura differentas regiuns ed instituziuns projects concrets. Quels ston vegnir inoltrads fin mez december.

Ina schanza che custa

Il Cussegl federal vesa en l’eveniment ina gronda schanza per l’entir pajais. I dovra dentant sustegn finanzial dal maun public. Perquai ha il Cussegl federal decis d’endrizzar ina gruppa da lavur interdeparlamentara. Ella duai sclerir schebain igl è pussibel da realisar ils gieus olimpics 2026 – ed accumpagnar e cussegliar Swiss Olimpic ed ils portaproject.

La gruppa vegn manada dal Departament federal da defensiun, protecziun da la populaziun e sport.

RR novitads 16:00