Siglir tar il cuntegn
Inhalt

Svizra Emprims tests cun sistems d'assistenza digitals

Per l'emprima giada han las Viafiers federalas testà trens cun sistems d'assistenza digitals per locomotivists.

Il tren cun ils sistems d'assistenza automatisads sin il traject tranter Berna ed Olten.
Legenda: Il tren cun ils sistems d'assistenza digitals sin il traject tranter Berna ed Olten. Keystone

Sin il traject da Berna ed Olten è in tren da duas auzadas vegnì franà ed accelerà automaticamain, dentant cun la preschientscha d'in locomotivist. Plinavant saja il tren suandà ad in program da spertadad per spargnar uschè bler energia sco pussaivel.

Sco quai che la SBB, l'interpresa Stadler e l'associaziun dal traffic public han communitgà veglian els far avanzar la digitalisaziun tar las Viafiers federalas. Quai cun il program cuminaivel SmartRail 4.0. Il sistem testà è cumparegliabel cun l'autopilot tar ils aviuns.

Finamira saja d'augmentar vinavant la capacitad e la segirtad sco er da spargnar custs. Per nizzegiar il meglier pussaivel ils avantatgs da las novas tecnologias datti er in barat tranter las viafiers e l'industria da l'Europa.

RR novitads 12:00