L'armada svizra scolescha per l'emprima giada recruts a spezialists da cyber. La nova scolaziun po vegnir terminada cun in diplom federal, uschia han ils giuvenils er Insatge en maun per la vita civila.
Tenor il Departament federal da defensiun èn questa stad s'annunziads 140 recruts per la procedura da selecziun, 18 ha l'armada tschernì. Davent da l'auter onn vul l'armada porscher mintg'onn duas da questas scolaziuns en il rom da la scola da recruts.
