Siglir tar il cuntegn
cuntegn

Svizra Emprima mesadad da l'onn – 109 morts sin la via

L'emprima mesadad da quest onn èn mortas 109 persunas en il traffic da via. En egl dat ch'i sa tracta tar las unfrendas en spezial da persunas giuvnas che sa chattavan en l'auto cun giuvens manischunzs.

In auto sin il tetg amez ils binaris.
Legenda: In accident cun auto a Basilea Citad. Il manischunz ha sutstimà la spertadad. Keystone, Polizia Basilea Citad

L’Uffizi federal da vias ASTRA ha publitgà il register d’accidents. Uschia èn da las 109 persunas mortas 42 sa disgraziadas en autos, 15 cun töfs e 25 mortoris eran peduns, scriva l’ASTRA. Tenor quest register d’accidents hai dà l’onn passà ils blers morts tar ils passagiers en autos da persunas. La gronda part sajan manischunz giuvens ch’èn charrads ordaifer ils vitgs memia svelt e senza adattar il tempo a las relaziuns sin via, scriva l’ASTRA.

Il 2016 ils pli paucs morts sin via fin qua

Ils emprims sis mais da l'onn 2016 aveva l'ASTRA registrà 89 persunas mortas, il pli bass dumber da mortoris fin lura. En l'entir onn 2016 èn mortas 216 persunas sin las vias svizras.

RR novitads 16:00