Siglir tar il cuntegn

Svizra Emprendissadi per fugitivs – era in agid per l’economia

En il rom d'in program da pilot vul il Cussegl federal, che fugitivs renconuschids e persunas admessas provisoricamain vegnian integradas pli spert en il martgà da lavur.

Fugitivs per part visibels che sesan.
Legenda: Cun l’emprendissadi per fugitivs duai il potenzial dals fugitivs vegnir nizzegià meglier. Keystone

Il program che duai durar 4 onns basa sin il princip da l'emprendissadi svizzer. Cun agid d'in emprendissadi per fugitivs, duain fugitivs cun abilitads e motivads survegnir baud ina scolaziun linguistica e professiunala.

Il program sa drizza en emprima lingia a las branschas cun ina mancanza d’emprendists. Organisaziuns da l’economia e da las branschas, sco era singuls manaschis, duain gidar da tschertgar plazzas da praticum e da lavur.

Responsabel per il program da pilot è il Secretariat statal per la migraziun. Il project dastga custar maximalmain 54 milliuns francs.

RR Novitads 20:00