Siglir tar il cuntegn

Header

cuntegn

Svizra Emprem center per requirents renitents a Les Verrières

La Confederaziun vul endrizzar dus centers, in da quels vegn a Les Verrières en il chantun Neuchâtel. Il bajetg che la Confederaziun ha cumprà d'ina persuna privata stoppia l'emprim vegnir adattada, scrivan il Secretariat da stadi per migraziun, il chantun e la vischnanca.

Silsuenter duai il center federal porscher plaz a fin 60 requirents d'asil, dentant durant maximalmain 140 dis. Cura ch'il center per requirents d'asil renitents va en funcziun n'è anc betg cler. In segund center per quest intent è previs en la Svizra tudestga.

Tenor la lescha d'asil revedida servan tals center da prender si requirents d'asil che disturban il manaschi ordinari d'in center federal u che pericliteschan entras lur cumportament la segirezza publica e l'urden.

L'emprim onn da manaschi duai la capacitad dal center a Les Verrières esser restrenschida sin maximalmain 20 requirents d'asil. Pli tard duai quest dumber vegnir augmentà pass per pass sin 60.

RR novitads 22:00

Artitgels legids il pli savens