Siglir tar il cuntegn
Inhalt

Svizra Emploiads da la posta sa dostan per filialas

La posta vul fin il 2020 serrar fin 600 da las 1'300 filialas. Duas terzas dals emploiads na vulan betg acceptar quai ed han uschia suttascrit ina petiziun che pretenda in stop da quests plans.

Purtret d'ina filiala da la posta.
Legenda: Diversas filialas duain vegnir serradas. Ma ils emploiads sa dostan. Keystone

Duas terzas dals emploiads da la posta sa dostan cunter il plan da serrar filialas. Quels han suttascrit ina petiziun, quai communitgescha il sindicat Syndicom. Ils emploiads giavischan in dialog co sviluppar il sectur da las filialas da posta e betg sulet annunzias da reducziuns.

Igl è in affront che la Posta emprova da spustar il Service public en agenturas ed uschia en lieus per pajas bassas.
Autur: Carlo MächlerManader d'uffizi postal e president da partiziun Syndicom

Gronda resistenza

Dasper ils emploiads sa dostan era ils pertutgads cunter il serrar filialas. Cun la populaziun sa dostan divers sindicats e partidas sanestras cun dar en petiziuns. A Lucerna per exempel sustegnan er interpresas la resistenza da serrar filialas da la posta.

En parlaments da vischnancas, citads e chantuns hai dà divers moviments. Resistenza vegn dentant er da las administraziuns sezzas. Vischnancas pertutgadas fan squitsch als chantuns, intgins chantuns han era gia empruvà da far squitsch a la Confederaziun, per che la Posta desistia da ses plan.

RR novitads 12:00