Siglir tar il cuntegn
cuntegn

Svizra Emmi metta sin desserts talians

L'elavuratur da latg svizzer vul uschia sa posiziunar en in martgà da nischa attractiv.

Logo dad Emmi.
Legenda: Il concern svizzer vul crescher en il martgà da nischa da desserts. Keystone

Il concern da latg Emmi schlargia sia fatschenta da desserts. L’elavuratur da latg da Lucerna cumpra l’interpresa Italian Fresh Foods (IFF). Sco Emmi scriva, possian ins cun questa cumpra sa posiziunar en ina nischa dal martgà ed acquirir novs martgads en pajais sco l’Ollanda, il Canada u era en ils Stadis Unids.

Davart il pretsch da cumpra n’ha il concern cun sedia a Lucerna fatg naginas indicaziuns.

L’interpresa taliana IFF haja fatg l’onn passà ina svieuta da 20 milliuns euros, passa 85% da questa summa ordaifer l’Italia. Ils ultims 5 onns saja l’interpresa creschida constantamain. Il martgads ils pli impurtants sajan l'Ollanda e la Gronda Britannia.

Betg l'emprima surpigliada en l'Italia

La cumissiun da concurrenza responsabla sto anc approvar la surpigliada. Ils onns 2012 e 2013 ha Emmi gia surpiglià ils spezialists da desserts talians A-27 e Rachelli.

En pli ha Emmi augmentà sia fatschenta da latg-chaura ils ultims mais.

RR novitads 11:00