Siglir tar il cuntegn

Header

video
Tranter gust e frust - las partis electoralas
Or da Telesguard dals 21.10.2019.
laschar ir. Durada: 3 minutas 3 Secundas.
cuntegn

Victurs da las elecziuns Festa gronda tar la PS

Gronda surpraisa en il davos mument: La Partida socialdemocratica ha recaltgà in segund sez en il Cussegl naziunal: Jon Pult e Sandra Locher Benguerel èn elegids sco cussegliers naziunals. Motiv per far festa.

Ils socialdemocrats guardan enavos sin ina dumengia perfetga: Jon Pult e Sandra Locher Benguerel fan il pass en il Cussegl naziunal. Ensemen cun commembers da partida han els fatg festa a Cuira.

Mias collegas e mia famiglia da Soloturn èn a posta vegnids en il Grischun, era sche jau aveva detg ad els ch'i na rendia betg da vegnir, cunquai ch'jau na vegnia uschia u uschia betg elegida.
Autur: Sandra Locher Benguerel nova cussegliera naziunala
audio
Bunura: La festa da la PS
ord Actualitad dals 21.10.2019.
laschar ir. Durada: 3 minutas 11 Secundas.

Surpraisa e motiv per festivar anc dapli

Igl è stà in di fetg emoziunal per ils dus candidats socialdemocrats. Cunzunt Sandra Locher Benguerel haja duvrà in mument enfin ch'ella haja realisà ch'era ella è elegida. En la «Werkstatt» en la citad veglia da Cuira n'eran dentant betg mo represchentants da la Partida socialdemocrata per festivar la victoria dubla, mabain er candidats da la Verda, la Partida verdliberala e la Partida liberaldemocrata èn sa rimnads per festivar.

RR actualitad 07:00

Artitgels legids il pli savens