Siglir tar il cuntegn

Header

cuntegn

Purtret 1: Ruodi Duschletta «La cassa da pensiun è noss hotel»

Ils daners da la cassa da pensiun duain esser in sustegn finanzial per il temp da pensiun. Ruodi e Cilgia Duschletta da Sent han dentant investì lur cassa da pensiun en lur hotel. Enstagl da giudair la pensiun, ston els ussa perquai lavurar vinavant.

Video
Purtret da Ruodi Duschletta
Or da RTR Social dals 03.09.2019.
abspielen

Avant 26 onns han Cilgia e Ruodi Duschletta cumprà l’hotel Val d’Uina a Sur En, ina fracziun da Scuol. Sco giuvens hoteliers han els retratg la cassa da pensiun ed investì tut per realisar lur siemi. Ussa – cura ch'els fissan atgnamain pensiunads – daventa gist quai in'ipoteca: Per survegnir ils daners investids stuessan els pudair vender l'hotel. Quai che n'è betg uschè simpel – malgrà ch'il manaschi gira bain.

Tge fa la politica?

Per discutar ses dilemma envida l'ustier Ruodi Duschletta dus politichers enturn maisa radunda: Ils dus candidats per il Cussegl naziunal Martin Candinas (PCD) e Jon Pult (PS).

Il project da RTR «Ti ed jau faschain politica»

Il project da RTR «Ti ed jau faschain politica»

Persunas sco ti ed jau envidan candidatas e candidats per il Cussegl naziunal ad ina baterlada. Enturn maisa raquintan els dad ina sfida che fatschenta els en lur mintgadi. Quels 5 inscunters emetta RTR durant 5 mesemnas:

  • 04-09 Ovras socialas tar Ruodi Duschletta, Sent
  • 11-09 Sanadad tar Sandra ed Andri Baltermia, Salouf
  • 18-09 Economia tar Flurina e Simon Kaufmann-Henkel, Cuira
  • 25-09 Clima tar ina classa da la scola media, Glion
  • 02-10 Diaspora tar Peter Vesti e Petra Camathias, Turitg

Tar mintga tema dain era in sguard en l'istorgia, preschentain cifras e fatgs e numnain las sfidas actualas.

Las elecziuns naziunalas èn ils 20 d'october 2019.

RR actualitad 11:00