Siglir tar il cuntegn

Header

Navigaziun

cuntegn

Mazzetta & Widmer-Spreiter «Qua na gida nagin plaster»

Las premias per las cassas da malsauns che creschan ad in crescher – quai è il tema da l'inscunter tranter Sandra ed Andri Baltermia e las candidatas per il Cussegl naziunal Anita Mazzetta (La Verda) e Martha Widmer-Spreiter (PBD).

Sco famiglia cun trais uffants fan las premias mintg'onn puspè quitads a Sandra ed Andri Baltermia da Salouf. Betg mo perquai ch'il quint è grond, mabain era perquai ch'igl è da quintar che las premias creschan vinavant.

Legenda: Guardar il video Ti ed jau faschain politica: l'inscunter da Sandra ed Andri Baltermia. Durada 21:34 minutas.
Or da RTR Social dals 11.09.2019.

Ils recepts da las politicras

La Svizra stoppia spargnar custs da sanadad, da quest avis èn omaduas politicras. Ina via pussaivla fiss entras reducir la birocrazia. Anita Mazzetta metta blera speranza sin ils centers da medischina en las regiuns, nua ch'ins possia nizzegiar sinergias senza stuair reducir servetschs per las persunas assicuradas. Martha Widmer-Spreiter fa attent che per exempel ina tgirunza stoppia pudair far las simplas lavurs dal mintgadi senza adina stuair avair ina suttascripziun dal medi.

Omaduas candidatas concedan dentant che la politica haja gia discutà bleras ideas co reducir ils custs da sanadad e cunquai era las premias – gartegià na saja quai enfin ussa anc betg.

RR actualitad 11.00