Siglir tar il cuntegn

Header

cuntegn

Engaschi per il clima La fracziun verd-liberala è la pli verda

Giuvens e giuvnas van sin via per demonstrar per la protecziun da l’ambient. En il barometer da quitads è la tema per il clima muntada sin la plazza 5. Tge partidas pudessan profitar tar las elecziuns parlamentaras l’october 2019?

Quantas iniziativas parlamentaras en connex cun il clima han las fracziuns inoltrà ils davos 19 onns? Quai ha SRF Data analisà en collavuraziun cun RTR, RSI, RTS e Swissinfo.

La fracziun dals Verd-liberals è s’engaschada il pli fitg per la protecziun da l’ambient. 21% da tut las iniziativas che quella fracziun ha inoltrà han gì in connex cun l’ambient ed il clima. Dentant existan ils Verd-liberals pir dapi l’onn 2011.

Sin il segund plaz sa tschenta la fracziun dals Verds cun 17,5% e sin il terz plaz la fracziun da la Partida burgais-democratica. Lezza datti dentant pir dapi l’onn 2009.

La fracziun da la Partida cristiandemocratica sa tschenta sin il quart plaz, cun 8,5%. Sch’ins mira dentant mo sin ils ultims 5 onns è ella stada pli activa per proteger l’ambient – quai cun 14,5% da sias iniziativas parlamentaras inoltradas.

Resultats en detagl

Avrir la box Serrar la box

Fracziun Verd-liberala (dapi 2011) 21,29%

Fracziun Verda 17,51%

Fracziun da la PCD (dapi 2015) 14,51%

Fracziun da la PBD (dapi 2009) 9,99%

Fracziun liberala (2000-2003) 9,58%

Fracziun da la PCD e PEV (2011-2015) 7,26%

Fracziun socialdemocratica 6,6%

Fracziun cristiandemocratica (2000-2007) 6,52%

Fracziun PCD/PEV/PVL (2007-2011) 5,96%

Fracziun da la PPS 5,88%

Fracziun liberal-democratica 5,69%

Fracziun PLD liberala (dapi 2008) 4,97%

Senza fracziun 2,96%

S’engaschadas il pli pauc per l’ambient èn las fracziuns da la Partida liberaldemocratica cun 6,5 pertschient e da la Partida populara svizra cun 6 pertschient.

Concluder da la fracziun sin la partida na pon ins dentant betg, cunquai che las partidas èn stadas tranter ils onns 2000 e 2018 en differentas fracziuns.

RR actualitad 12:00

Artitgels legids il pli savens