Siglir tar il cuntegn

Header

Navigaziun

cuntegn

Elecziuns naziunalas Partida verd-liberala grischuna sut squitsch da partida-mamma

Il sustegn finanzial cumplain survegn la partida chantunala be, sch'ella fa colliaziuns da glistas cun las partidas d'amez.

Per las elecziuns dal parlament naziunal vul la partida-mamma dals Verd-liberals che las partidas chantunalas aspireschan colliaziuns da glistas cun las partidas da mez – la PCD e la PBD. Quai dess dapli daners en cassa. Per la Partida verd-liberala grischuna faschess in'autra colliaziun dentant dapli senn, numnadamain cun la sanestra. Lura mancassan dentant daners impurtants en la cassa, di Gaudenz Bavier, il president da la Partida verd-liberala grischuna envers il schurnal regiunal da radio SRF.

Sche nus avain 60'000 u 40'000 francs en cassa, sche lura è quai decisiv. Ord questa vista è mintga franc impurtant per quest cumbat electoral.
Autur: Gaudenz BavierPresident da la Partida verd-liberala grischuna

Motivar gea – metter sut squitsch na

Il secretari general da la Partida verd-liberala svizra, Michael Knöpfli ha declerà ch'ils daners duain sulet motivar dad ir en questa direcziun, dentant betg metter sut squitsch. Las partidas chantunalas possian la finala decider sezzas.

RR novitads 06:00