L’idea è simpla: Votantas e votants envidan candidatas e candidats per il Cussegl naziunal ad ina baterlada. Enturn maisa raquintan els dad ina sfida ch’occupa en lur mintgadi.
Co reageschan candidatas e candidats sin in ustier che lavura malgrà ch’el fiss pensiunà? Daco sto ina famiglia pajar adina dapli premias per la cassa da malsauns? Han els chapientscha che la giuventetgna fa squitsch da proteger il clima? Tge schliaziuns proponan els ad ina mamma per cumbinar lavur e famiglia? E tge sustegn empermettan els per promover il rumantsch en la Bassa?
RTR accumpogna quests inscunters cun camera e microfon. Da tadlar, leger e guardar dals 2 da settember enfin ils 3 d’october sin www.rtr.ch, al Radio Rumantsch, en il Telesguard e sin las medias socialas.
RR actualitad 11.00