Siglir tar il cuntegn

Header

Navigaziun

Sesida dal cussegl naziunal.
Legenda: Il cussegl naziunal di gea al budget per l'onn proxim. Keystone
cuntegn

Elecziuns federalas 2015 Unir las forzas cunter ils Verdliberals

Las partidas burgaisas dal Grischun vulan unir lur forzas en vista a las elecziuns federalas 2015, quai han exponents da PLD, PBD e PCD ditg vers il schurnal regiunal da radio SRF.

Ussa vulan ils liberals in'allianza

I saja surtut da s'unir per cumbatter ils Verdliberals, di il schef da fracziun da la PLD Rudolf Kunz. El vul cunquai conquistar enavos il sez da Josias Gasser - il sez che la PLD ha pers tranter auter era perquai ch'ella ha refusà ina allianza burgaisa avant 4 onns. PBD e PCD èn prontas per colliar lur glistas ed uschia s'unir, quai han Beno Niggli e Stefan Engler laschà savair.
Ina coaliziun cun la PPS, sco proponida da Stefan Engler , va dentant memia lunsch per il vice-president burgais-democrat Beno Niggli.