La gruppaziun «Operation Libero» pretenda da guardar enavant, e da betg serrar ils egls avant in’adesiun a l'Uniun europeica.
Els na sajan betg ina partida, els sajan in moviment, ha il copresident Dominik Elser ditg oz avant las medias. Il plan saja da prender influenza sin la politica, quai sur Facebook, Twitter e newsletters electronicas.
Ins na vegnia betg a sa participar a las elecziuns dal 2015 – ha il copresident ditg. I saja dentant planisà da proponer chaus liberals dad autras partidas. Sco proxim veglia ins impedir in gea a l'iniziativa Ecopop la fin da november.
(RR novitads a las 14:00)