Siglir tar il cuntegn

Header

cuntegn

Elecziuns federalas 2015 politbox on tour#16: Co vulain nus vegnir vegls?

Vali la paina da spargnar per la vegliadetgna? E tge capita cun nossas rentas? Davart quai avain nus discutà ils 18 da settember a Berna.

politbox «app»

Avrir la box Serrar la box

Giugar e testar la savida cun la politbox. Adina puspè cun novs temas.

Quai cun la «app» da politbox per iPhone e per Android.

Nossa societad vegn adina pli veglia. Quai ha per l’ina da far cun l’aspectativa da vita che crescha, per l’autra dentant era pervia da la demografia. Tenor l’Uffizi federal da statistica vegn la proporziun tranter las persunas sut 65 onns e quellas ch’èn 65 onns e pli veglias a crescher marcantamain ils proxims 30 onns.

A medem temp discutescha la Svizra a moda animada davart il futur da l’AVS e la prevenziun per la vegliadetgna. Pudain nus giuvens quintar cun ina renta cura che nus essan vegls? Ni duessan nus gia oz cumenzar a spargnar per la pensiun?

Sin il viadi tras la Svizra ha la politbox fatg fermada a Berna e dumandà: Co vulain nus vegnir vegls? Cun giuvnas e giuvens mo era cun persunas pli veglias avain nus discutà sur da quest tema.

Ta participescha a la discussiun

Tge pensas ti da quest tema? E co vesas ti tes futur? Ti pos ta participar al tema avant e durant l’emissiun cun #politbox e sur la pagina da Facebook da politbox. Tia opiniun ans interessescha!

Artitgels legids il pli savens