Ad Alvagni en la nova vischnanca Albula/Alvra s'han radunà giuvens e vegls dal PCD. Stefan Engler il president ha gì gust da pudair preschentar als delegads la nova gilda da la PCD per l'avegnir. La giuvna PCD ha mess ensemen sez la glista ed elegì candidatas e candidats.
Corina Caluori è da Panaduz, ha 27 onns, abita ad Igis ed è giurista a Cuira. Ella è suppleanta dal Cussegl grond per las 5 vischnancas.
René Epp è da Sedrun, ha 27 onns ed è spezialist da banca. Epp è deputà dal Cussegl grond ed en il parlament regiunal Surselva.
Caterina Venturi è da Cuira ed ha 26 onns. Ella ha studegia giurisprudenza ed è ussa advocata a Cuira. Ella è burgaisa da la Svizra ed Italia.
Tino Schneider è da Cuira, studegia istorgia ed è deputà dal Cussegl grond. El è president da la giuvna PCD Grischun.
Melanie Janka è da Sursaissa. Ella ha 23 onns e studegia giurisprudenza a Berna.
La PCD para dad esser la partida nua che giuvnas e giuvens s'engaschan anc politicamain.
Sch'ins guarda la fracziun dal Cussegl grond da nossa partida sche ves’ins schon che schon là datti bleras persunalitads, persunalitads fitg giuvnas or da la partida giuvna da la PCD vegnan mintg'onn puspè da nov dunnas ed umens che s'interesseschan. Igl è ussa er differentas dunnas che s'occupeschan cun la politica, cun la partida a quai è mo da beneventar ed er da sustegnair.
Cun ina buna glista ha la partida giuvna PCD gia fatg tar las ultimas elecziuns il meglier resultat da las partidas giuvnas.