Siglir tar il cuntegn

Header

video
Berna en mira – vart verd-sanestra s'unescha
Or da Telesguard dals 17.06.2019.
laschar ir. Durada: 2 minutas 33 Secundas.
cuntegn

Elecziuns dal Cussegl naziunal Verd-liberals van cun la sanestra

L’uschenumnada «allianza dal clima» dal Grischun stat: La Partida verd-liberala, la Partida socialdemocratica e la Verda èn sa cunvegnidas ad ina colliaziun da glista per las elecziuns dal Cussegl naziunal da quest atun. Quai han communitgà las trais partidas.

audio
Saira: Verdliberals sa collian cun sanestra
ord Actualitad dals 17.06.2019.
laschar ir. Durada: 2 minutas 52 Secundas.

La partida verd-liberala saja per l'ina sa colliada cun la sanestra per dar pais al tema dal clima. Per l'autra vesa il president Gaudenz Bavier uschia er dapli schanzas da dumagnar Josias Gasser en il Cussegl naziunal:

audio
Gaudenz Bavier - Schanzas pli grondas per Josias Gasser
ord Novitads dals 17.06.2019. Maletg: RTR
laschar ir. Durada: 13 Secundas.

Verd-liberals grischuns cun autra strategia che partida-mamma

La Partida verd-liberala naziunala prevesa per las elecziuns da l'atun in’autra strategia. Las partidas chantunalas duain chattar ina colliaziun da glista cun las partidas dal center, pia la PBD e la PCD. Per quels ch'èn pronts per ina tala colliaziun datti era dapli daners en cassa.

Nus na laschain betg dictar da la partida mamma tge allianzas far.
Autur: Gaudenz Bavier President partida verd-liberala grischuna

Gia avant quatter sco er avant otg onns avevi mintgamai dà ina colliaziun da glista cun la sanestra. Il 2011 eri perfin gartegià a Josias Gasser da recaltgar in sez en il Cussegl naziunal.

audio
Saira: Il president da la PVL, Jürg Grossen, davart coaliziun
ord Actualitad dals 17.06.2019.
laschar ir. Durada: 1 minuta 57 Secundas.

Tenor la communicaziun saja l’allianza averta per ulteriurs partenaris da glista. En il Grischun han las partidas temp fin ils 12 d'avust d'annunziar colliaziuns da glistas a la Chanzlia chantunala.

Nagina surpraisa per PCD e PPS

Suenter che l'emprima allianza per las elecziuns da l'october è enconuschenta, stoppia il center politic ponderar tge far. Ina pussaivla colliaziun è per il president cristiandemocratic Stefan Engler tranter PCD, PBD e PLD.

audio
Bunura: Reacziuns da la PCD e PPS sin glista allianza dal clima
ord Actualitad dals 18.06.2019.
laschar ir. Durada: 2 minutas 39 Secundas.

Il president da la PPS Heinz Brand è perfin cuntent cun l'allianza sanestra:

Sche la PPS candidescha tuttina anc per il Cussegl dals chantuns, na saja anc betg giud maisa, ha el accentuà sin dumonda da RTR.

Dossier elecziuns19

Avrir la box Serrar la box

RR novitads 10:00

Artitgels legids il pli savens