«Les jeux sont faits» – uss èn las glistas electoralas definitivas e cunquai è la schelta per il suveran grischun als 20 d'october 2019 fixa. La regenza haja prendì per enconuschientscha questas infurmaziuns, scriva la chanzlia chantunala.
Glindesdi, ils 12 d'avust, è stà l'ultim di per las partidas per declerar colliaziuns da glistas.
Midadas n'hai betg pli dà per las colliaziuns da glistas. Quai vul dir:
En questa s'uneschan las partidas dal center lur forzas:
- glista nr. 1 (PBD dal Grischun – Giuvna PBD dal Grischun)
- glista nr. 2 (PLD.Ils Liberals dal Grischun – Glista principala)
- glista nr. 4 (PCD – Ils giuvens 1)
- glista nr. 5 (PCD – Ils giuvens A)
- glista nr. 10 (PCD Grischun)
- glista nr. 11 (Giuvens liberals dal Grischun – PLD-Futuro)
- glista nr. 12 (PBD dal Grischun)
- glista nr. 17 (PLD.Ils Liberals dal Grischun – Politica communala)
- glista nr. 18 (PLD.Ils Liberals dal Grischun – Commerzi)
En pli èn sa colliadas questas partidas anc en trais sutcolliaziuns da glistas:
- la PLD glista nr. 2 cun 11, 17 e 18
- la PCD glista nr. 4 cun 5 e 10
- e la PBD glista nr. 1 cun 12.
Questa glista consista da las 5 differentas glistas da la PPS:
- glista nr. 8 (PPS Grischun – Giuvna PPS Grischun)
- glista nr. 14 (PPS Grischun – Glista Martullo)
- glista nr. 16 (PPS Grischun – Glista Brand)
- glista nr. 19 (PPS Grischun – Glista PPS Internaziunala)
- glista nr. 20 (PPS Grischun – Team 60+ per ina pensiun segira)
Tar questa glista na dat quai naginas sutcolliaziuns.
La terza colliaziun da glistas furman las partidas verdas e sanestras:
- glista nr. 3 (PS GS Umens*)
- glista Nr. 6 (Verda – Ils verds dal Grischun)
- glista nr. 7 (Partida verd-liberala – Giuvna partida verd-liberala)
- glista nr. 9 (PS Partida Socialdemocratica)
- glista nr. 13 (Partida verd-liberala)
- glista nr. 15 (PS GS Dunnas*)
Tar questa colliaziun da glistas datti puspè sutcolliaziuns – numnadamain duas:
- La PS cun glista nr. 3 cun 9 e 15 e
- la PVL cun glista nr. 7 cun 13.
Daco insumma colliar glistas e co che quai funcziuna ha Battaporta declerà tar las ultimas elecziuns naziunalas l'onn 2015:
RR novitads 15:00
