Siglir tar il cuntegn

Header

Bleras gasettas.
Legenda: La pli gronda preschientscha avant las elecziuns ha gì, sco gia avant quatter onns, la Partida populara svizra PPS. Keystone
cuntegn

Elecziuns 2019 Preschientscha da medias correspunda a quota d'electurs

La Partida populara svizra ha er gì il 2019 la pli gronda preschientscha mediala en connex cun las elecziuns da parlament dals 20 d'october. Totalmain correspunda la frequenza dals rapports davart las partidas circa a la fermezza da las partidas.

La preschientscha en las medias vala sco pli impurtanta valur en il cumbat per l'attenziun dals electurs. Quai tenor in'analisa da l'universitad da Berna che Année Politique Suisse ha preschentà mesemna. Ed er sche las partidas recloman savens ch'i na vegnia betg rapportà equilibrà, mussia l'analisa che quai na saja betg il cas.

Placat cun mail e verms sco tirasguard

Ella mussa tranter auter er che las partidas san er sez crear attenziun en las medias. E quai en cas da basegn era cun provocar. Sco per exempel la PPS cun il placat dal mail ed ils verms. Cura che la PPS ha mez avust publitgà lur placat haja quel chaschunà in grond eco. Rinforzà la preschientscha mediala haja era la critica interna dal placat. A las autras partidas na saja quai betg gartegià.

Verds n'han betg nizzegià il clima

Oravant tut ils verds ed ils verd-liberals n'hajan betg pudì procurar per dapli artitgels en gasetta, malgrà che la politica dal clima è «il tema» da las elecziuns da quest onn. Sulet l'elecziun da Ronja Jansen sco presidenta da la Giuventetgna socialista svizra haja chaschunà intginas discussiuns e preschientscha mediala.

Basa da l'analisa

Personen-Box aufklappenPersonen-Box zuklappen

L'analisa è vegnida fatga sin basa da las 33 pli ferm derasadas gasettas quotidianas e gasettas da l'emna da la Svizra e quai durant las davosas 12 emnas avant las elecziuns.

RR novitads 12:00