Siglir tar il cuntegn

Header

Navigaziun

cuntegn

Elecziuns 2019 Favre Accola: «Igl è era en il futur da quintar cun las dunnas.»

Cun Valérie Favre Accola da la Partida populara datti ina tschintgavla candidatura per ils dus sezs grischuns en il Cussegl dals chantuns.

Questa proposta fa la direcziun da la PPS grischuna, communitgescha la partida. A decider definitivamain davart la candidatura vegnian ils delegads da la PPS en in'emna.
Sper ils dus cussegliers dals chantuns d'enfin qua - Stefan Engler (PCD) e Martin Schmid (PLD) - candideschan er Jon Pult da la PS e Géraldine Danuser dals Giuvens verdliberals.

Per la quota da dunnas

Valérie Favre Accola di che las dunnas s’audian vid la maisa da contractar, saja quai en la cultura, il sport, l’economia ni la politica. Dapi 170 onns n'haja betg pli dà ina candidatura d’ina dunna per il Cussegl dals chantuns. Perquai saja ella leda ch’i sajan ussa duas dunnas che candideschan per la chombra pitschna.

Ch’i dat ussa duas candidaturas da dunnas per il Cussegl dals chantuns mussa, ch’igl è era en il futur da quintar cun las dunnas.
Autur: Valérie Favre Accolacandidata Cussegl dals chantuns

Pitschnas schanzas

La politicra da Tavau, ch’è commembra dal Cussegl grond sco era da la suprastanza da la vischnanca da Tavau, quinta dentant betg cun schanzas realas sin in’elecziun. Ella veglia surtut gidar da mobilisar ils votants per che la PPS possia tegnair ils dus sezs en il Cussegl naziunal.

RR actualitad 12:00