Siglir tar il cuntegn

Header

cuntegn

Cussegl naziunal 100 candidatas e candidats dal Grischun

Ils 20 d'october elegia la Svizra in nov parlament naziunal. En il chantun Grischun datti en tut 20 glistas. Quai vul dir: 100 candidatas e candidats vulan in sez en il Cussegl naziunal.

Tar las 100 persunas sa tracti da 35 dunnas e 65 umens, scriva la chanzlia chantunala dal Grischun.

Il termin per annunziar candidaturas è scadì ils 5 d'avust. Sco ultima partida ha la PPS anc inoltrà 10 candidats e candidatas sin duas glistas. Las bleras partidas avevan annunzià lur candidaturas gia il matg. Sinaquai ha la chanzlia chantunala tratg la sort per la successiun da las glistas:

video
La sort ha decidì la succesiun da las glistas d'elecziun
Or da Telesguard dals 21.05.2019.
laschar ir. Durada: 2 minutas 16 Secundas.

Il chantun Grischun ha tschintg sezs en il Cussegl naziunal:

  • Heinz Brand (PPS)
  • Duri Campell (PBD)
  • Martin Candinas (PCD)
  • Magdalena Martullo-Blocher (PPS)
  • Silva Semadeni (PS, la suletta che ha demissiunà)

Dapli candidatas e candidats ch'auters onns

L'interess per recaltgar in sez en la chombra gronda è quest onn pli grond che auters onns:

Candidaturas per il Cussegl naziunal

CandidatAsGlistas
201910020
20157015
20116915
20076113

Era per il Cussegl dals chantuns è l'interess quest onn pli grond: Tschintg persunas candideschan per ils dus sezs grischuns. Ils onns 2011 e 2015 avevan Stefan Engler (PCD) e Martin Schmid (PLD) gì nagina concurrenza.

Las elecziuns per il parlament a Berna èn dumengia, ils 20 d'october 2019.

Dossier elecziuns19

Avrir la boxSerrar la box

RR actualitad 09.00

Artitgels legids il pli savens