Siglir tar il cuntegn

Header

cuntegn

Cussegl dals chantuns Attatga sin ils dus sez grischuns

Suenter plirs onns datti quest onn puspè in cumbat per il Cussegl dals chantuns: Gist sis persunas candideschan per ils dus sezs dal Grischun en la chombra pitschna.

En il Cussegl dals chantuns a Berna po il chantun Grischun trametter dus represchentants. Actualmain èn quai:

  • Stefan Engler (PCD)
  • Martin Schmid (PLD)

Omadus èn vegnids elegids l'onn 2011 – gia lura senza concurrenza ed era l'onn 2015 n'ha nagina partida attatgà lur sezs. Quest onn è quai auter cun gist trais candidaturas novas:

Sco prim ha annunzià il socialdemocrat Jon Pult il schaner 2019 sia candidatura dubla.

L'avust è s'annunziada l'emprima dunna: La verd-liberala Géraldine Danuser. Era ella candidescha per omaduas chombras.

Paucs dis pli tard ha la PPS realisà sia smanatscha d'attatgar ils sezs en il Cussegl dals chantuns sche las partidas dal center collian lur glistas. A disposiziun stat la deputada e suprastanta da Tavau Valérie Favre Accola.

Sco ultim è s'annunzià Timo Stammwitz l'entschatta settember sco independent.

L'elecziun dal Cussegl naziunal e dal Cussegl dals chantuns è ils 20 d'october.

Dossier elecziuns19

Avrir la box Serrar la box

RTR elecziuns 2019

Artitgels legids il pli savens