En il chantun Vad collavura l’allianza da la partida populara e da la partida liberal democratica da nov cun ils Verdliberals. Ensemen van els en las elecziuns da regenza dals 21 da matg. Ils delegai da las trais partidas han approvà ina tala allianza glindesdi saira.
Cun ina glista cun la cussegliera naziunala dals Verdliberals Isabelle Chevalley ed il candidat da la PPS Jacques Nicolet lessan las partidas cuntanscher ina maioritad burgaisa en la regenza chantunala. La glista duai vegni approvada questa saira – dentant na betg senza resalvas.
Sceptica tar ils Verdliberals
Tar la partida Verdliberala han 30 delegads votà per l’allianza. 16 delegads èn stads encunter. «Sa colliar na munata betg ch’ins stoppia ir d’accord cun tut las decisiuns dal partenari d’allianza» quai ha François Pointet president dals Verdliberals dal chantun Vad ditg. Ins saja vidlonder da crear ina nova dretga en in chantun.
Tar la PPS han 110 delegads ditg gea a la collavuraziun cun ils Verdliberals. Dus èn stads encunter e 17 èn s’abstegnids da la vusch. Anc il december aveva la PPS anc renvià ina tala allianza.
RR actualitad 06:00