Siglir tar il cuntegn
Inhalt

Svizra Elecziuns 2015 – Tants candidats e glistas sco anc mai

Per las elecziuns dal Cussegl naziunal candideschan uschè blers candidats sco anc mai. 3802 candidats sin 422 glistas sa mettan a disposiziun per ils 200 sezs. Dentant i vegn grev per quels candidats, be 26 actuals na candideschan numnadamain betg pli.

Per tuts n’hai betg plaz: 3802 persunas candideschan per in dals 200 sezs en il Cussegl naziunal.
Legenda: Per tuts n’hai betg plaz: 3802 persunas candideschan per in dals 200 sezs en il Cussegl naziunal. Keystone

En 13 chantuns candideschan schizunt puspè tut ils candidats. Betg en il grischun, là na candidescha Hansjörg Hassler betg pli, uschia ch'in dals 5 sezs vegn libers.

Extraordinaria è la situaziun dentant per exempel en il chantun Soloturn. Il chantun perda in da ses 7 sezs, dentant tuttina candideschan tuts 7 per ils 6 sezs. Er il chantun Berna perda in da ses sezs ed ha be pli 25. Persuenter survegnan il Valais e Turitg mintgamai in sez dapli: en il futur han els pia 8 e 35 sezs.