Siglir tar il cuntegn

Svizra Egualitad da pajas sco tema principal

Il di da la lavur han millis da persunas protestà en tut la Svizra, era a Cuira. Ils protests sa drizzan encunter l'inegualitad da paja tranter dunnas ed umens. Sindicats e politichers han tegnì pleds e fatg pretaisas per l'egualitad da pajas.

Purtret da Christian Levrat.
Legenda: Christian Levrat ha dà in pled davart l'egualitad da paja dad um e dunna a Friburg. Keystone

La differenza da paja che na saja betg da declerar cun scolaziun u experienza da lavur saja en media 600 francs il mais, uschia ha Sandra Locher Benguarel, la presidenta da la magistraglia grischuna ditg oz a Cuira.

Il president da la PS, Christian Levrat ha fatg in admissiun a ses collegas parlamentaris a Friburg: I na dettia naginas stgisas marschas. La discriminaziun da pajas tranter umens e dunnas exista e stoppia finalmain vegnir cumbattida.

A Basilea ha tranter auter Regula Bühlmann da l'Uniun sindicala svizra tegnì in pled. L'egualitad da pajas tranter umens e dunnas saja dapi 37 onns scritta en la Constituziun e las dunnas sajan anc adina vi dal spetgar che quella egualitad vegnia realitad.

RR novitads 16:00