Siglir tar il cuntegn
Inhalt

Svizra «Egualitad da paja.punct.finì» il motto dals sindicats svizzers

Per il di da lavur dal prim da matg vulan ils sindicats far attent sin l’inegualitad da paja tranter um e dunna. Sut il motto «Egualitad da paja.punct.finì» sa rimnan sindicats e lur simpatisants en l’entira Svizra per demonstrar e festivar.

Transparent: "Verfassung respektieren: Lohngleichheit. Punkt Schluss!"
Legenda: «Egualitad da paja.punct.finì» è il motto da quest onn da l'uniun sindicala svizra. Keystone

Ils sindicats sa refereschan cun lur motto a la constituziun che prescriva dapi 37 onns l’egualitad tranter um e dunna. Er la lescha d’egualitad pretenda dapi 22 onns che omaduas schlattainas survegnan la medema paja per la medema lavur. En realitad na saja quai dentant betg il cas. Las pajas da las dunnas sajan anc adina pli bassas che quellas dals umens, uschia l’uniun sindicala svizra.

Er ils dus cussegliers federals da la Partida socialdemocratica, Alain Berset e Simonetta Sommaruga èn da la partida. Sommaruga visita ina fabrica da tschigulatta en il chantun Glaruna. Là s’inscuntra ella cun lavurants. Il president da la Confederaziun Berset vegn a tegnair in pled en il Vallais.

RR novitads 08:00