Siglir tar il cuntegn

Header

Navigaziun

In extract dal Crestomat da Michel Decurtins, Sabrina Bundi e Mathias Durisch
Legenda: In extract dal Crestomat da Michel Decurtins, Sabrina Bundi e Mathias Durisch. mad
cuntegn

Svizra Egualisà record da visitaders als dis da litteratura

Malgrà la bun'aura han radund 15'000 persunas visità ils dis da litteratura a Soloturn.

Tranter auter han Franz Hohler, Adolf Muschg, Ruth Schweikert e Catalin Dorian Florescu preschentà lur novs cudeschs. En tut han radund 80 auturs ed auturas prendì part a las prelecziuns. Dasperas ha i er dà in atelier da translaziun, nua ch'ils visitaders han pudì guardar sur il givè a translaturs e translaturas.

e-comic Crestomat

La litteratura rumantscha è stada preschenta cun il e-comic Crestomat, in'ovra dals auturs Michel Decurtins e Sabrina Bundi e dal dissegnader Mathias Durisch. Els han preschentà lur Science Fiction istoric cun figuras scurrilas ord la mitologia grischuna.

La scuntrada a Soloturn vala sco la pli impurtanta scuntrada da litteratura en Svizra. Auturs ed amaturs da litteratura vegnan ensemen per leger, tadlar e discutar.

RR novitads 18:00